هيا بنا نلعب ......الفزوره التالته نزلت يا شباب,,,, اسخنو بقى ,,,,,انتو مبتلعبوش ليه

بصو يا جماعه انا حبيت نعمل لعبه وهيا عباره عن فوازير ... اللعبه كالتاتي ... مثلا انا دلوقتي ححط فزوره وانتو المفروض حتحلوها ... واللي حيحلها هياخد نقطه ... وانا حعد اجمع النقط ... وفي النهايه نشوف مين جمع اكبر عدد من النقط .... وممكن نطلق عليه عبقرينو المهيسين ... الفزوره اول ما توصلو لحلها حكتب واحده تانيه ولو الفزوره محدش عرف يوصل لحلها حيبقى اقصى مده ليها يومين وبعد كدا تتغير ... اللعبه دي حتفضل مستمره لحد اخر مارس وبعد كدا نعلن الفايز ......

وعلى حسب لو الموضوع نال اعجابكو حنستمر اما لو انتو مش حبين الموضوع فالموضوع ممكن نفركشه ..

يللا بينا ..

ادي اول فزوره ...

تلت شباب زى الورد حبوا يشتروا كاسيت

راحوا للمحل سألوا البياع بكام الكاسيت رد عليهم وقال

ب30 جنية كل واحد دفع 10 جنية

وخدوا الكاسيت ومشيوا بس الكاسيت تمنة 25 جنية بس

البياع ضميرة صحى راح باعت الصبى بتاعة قالو روح اديهم ال5 جنية ديه

فالصبى قال هما 3 ودول 5 جنية انا ادى كل واحد 1 واخد انا 2 جنية

يبقى كدة كل واحد دافع 9 جنية

و 3 في 9 ب 27 صح ؟؟؟
و 27 + 2 جنيه اللي الصبي خدهم يبقى المجموع 29

كدة فى 1 جنية ناقص راح فين؟؟؟؟؟؟

affraid

ايه يا جماعه انا قلت ان الموضوع حيبقى فيه متعه اكتر من كدا يللا شغلو مخكو يا بشر اييييييييه اصحووووووووووووووووووووو عايزينها تسخن ايه محدش عايز ينافس

مين عايز ياخد اللقب

اكيد انت اللى اخدت الجنيه ده ياض هاخدده منك فى الكليه
بس لما ربنا يسهل وافكر اروح الكليه

يا عم خلاص استعوضوا ربنا فى الجنيه ده والمسامح كريم.

يعنى هو اللى اخده هايتهنى بيه؟؟؟؟؟

ده حايتحرق بيه فى جهنم الطماع الوحش ده

CEO & CHAIRMAN

بلاش تغالطني في الحساب ياض
هما دفعوا 25 جنيه
بعد كده رجعلهم 3 جنيه
يبقي المجموع 28 جنيه
حط عليهم 2 جنيه بتوع الصبي
يبقي 30 جنيه يا سيدي
يبقي الجنيه كان معاهم مش مع الصبي

الله يخرب بيتك انا بدأت اشك فى جدول الضرب منك لله
ياعم الجنيه ده مواصلات
او ضرايب
ده انت ثقيل
ضيعتنا فى الماتش النهارده الله يحرقك

انا شايف ان مفيش اقبال على الموضوع

انا حسيب الفزوره لحد يوم الحد

لو بردو ملقتش اقبال حفركشووووووووووووو

حلها بكل بساطة يا ميدو اهووو

همه دفعوا في الاول 30 جنيه والراجل رجعلهم 5 جنيه والواد خنسر منها 2 جنيه صح؟؟

اعتبر الواد مخنسرش حاجة

يبقى رجعلهم 5 جنيه كامة ويبقى دفعوا تمنه صح اللي هو 25 جنيه

ضيف عليهم الثلاثة جنيه اللي رجعهلهم الواد يبقى 28 جنيه وال 2 جنيه اللي اخدهم يبقى 30 جنيه

حل اخر ::::

همه كل واحد دفع 10 جنيه ورجع لكل واحد 1 جنيه يبقى كل واحد دفع 9 جنيه

يبقى كلهم دفعوا 27 جنيه والمفروض ان في 2 جنيه اللي الواد خنسرهم ترجعلهم ،، نطرحهم من ال 27 جنيه يبقى ال 25 جنيه ثمن الجهاز الرئيسي
يعني المفروض نطرح ال 2 جنيه من ال 27 جنيه مش نجمعهم عليهم

هو ده الحل

يالا في حاجة عندك تاني او عند اي حد؟؟؟

انا في الخدمه

CEO & CHAIRMAN

يا جااااااامد يا مادو
انا برضه قلت نفس الحل كده
دماغك عالية يا مان

شكرا يا جميل ده من بعض ما عندكم

الاجابه الصحيحه هيا اجابة مادو,,,,,,,,,,,,,,,, اي نعم اجابة يوري فيها شئ من الصح لكن موضحهاش كلها زي مادو

علشان كدا انا قررت ادي اول نقطه لمادو عن جداره واستحقاق

وبكره حتون تاني فزوره عندكم

ونكمل اللعبه

وتم اخد القرار بتطويل مدة اللعبه الى نهاية شهر اربعه

سلااااااااااااااااااااااااام

الفزوره التانيه وصلت يا معلمين

ليه النمله لما بتييجي تذاكر بتعد جنب شط البحر

الحل الاول:
علشان تغرق فى بحر العلم

الحل التانى:
علشان تبل صباعها فى المية كل ما تيجى تقلب الورقة

ميلانوووووووووووووووووووووووووووووووووووو
الإجابه التانيه هيا اللي احنا عايزينها
مبرووووووووووووووووووووووووووك
كدا انت معاك نقطه
يبقى كدا
MaDo نقطه
MiLano نقطه

مشرف سابق

ايه يا ميدو هو يعنى عشان مادو يبقى قريبك تديله نقطه ويورى لا
حتى الواسطه دخلت فى المنتدى
انا لو مكانك يا يورى مسكتش عن حقى ولازم اخده

الوسطه دخلت فى الطماطم

يا جماعه والله لا كوسه ولا بتنجان ولا اي نوع خيار بس بجد مادو يستحق النقطه لانو وضح الاجابه كويس لكن يوري قال اجابه عاديه سمعتها من كذا واحد ,,,لكن الاجابه اللي انا كنت منتظرها جت من مادو ,,,,,,,,,وبعدين اذا كنتو من اولها حتقولو علشان قريبي انا ممكن اتبرى منو بكره الصبح

الضفر عمرو ما يطلع من اللحم يا ميدو

متاخدش فى بالك من كلام الناس
اللى يقول كوسة.......كبر دماغك.......ده العادى بتاع الدراويش

ايه بقا حكاية الكوسة دي ؟؟؟ والخيار؟؟؟

وبعدين تتبري من مين يا واد؟؟

ومالهم الدراويش يا ميلانو ملكش دعوة بيهم خالص

التحدي الجاي بيني وبينك انت في الفزورة الجاية ولما نشوف

منتظر الفزوووووووووووووورة

الفزوره التالته
4- سائق سيارة كان يسير في الشارع بالجهة اليمنى فجأة انحرف جهة اليسار وصعدعلى الرصيف وخبط رجل وخبط عمود مع ذلك لم يحرر له ضابط المرور مخالفة لماذا ؟

حلووووووووووووو والله سهله وتكيد قابلتكو قبل كدا

زائر

عشان كان ناسي الدفتر في البيت

أو ضابط المرور ده كان السفاح بس متنكر

ههههههههههههههههههههههههه

وبيس عليك

نووووووووووووووووووووووووووووووووووووووووووووووووووو
غلط

ايه يا جدعان الفزوره حمضت ومحدش عبرني برد

ولا حد معبر اللعبه كدا
طب والله لوريكو يا دزم

علشان الرصيف اصلا علي يمين السواق