والنبي يا استاذ ....و النبي يا هانم

السلام عليكم و رحمة الله ....ازيكوا يا شباب انا موضوعي النهارده عن ظاهرة خطيره جدا و هي ......التسول او الشحاته
طبعا
مفيش شارع إلا و تلاقي فيه واحد متسول يقولك انا و النبي يابني اديني فلوس
او ما شابه ذلك ..لكن مش دي المشكله .المشكله بأه انك مبتبقاش عارف انه ده
فعلا محتاج ولا بيدعي الفقر و لكن للاسف انك في معظم الوقت بتنخدع و
بالتالي انك بتدي اللي مش محتاج و تيجي على المحتاج و تقول مانا لسسه عاطي
واحد من شوية .. يعني من الاخر مبقناش نعلاف نفرق بين المحتاج و بين اللي
مش محتاج .. فمثلا انا هقول لكم قصه و دي طبعا متكرره كتير " في مره كنت
بصلي في جامع و بعدين لقيت واحد بيصلي جنبي و بعد الصلاه و انا طالع لقيته
واقف على جنب و بيسأل الناس انهم يساعدوه .. و مر كام يوم كده و اسمع ان
البوليس هجم على بيته و اخد من بيته حوالي 15 الف من بيته كان مخبيهم في
شوال السكر ده غير شهادات استثمار بقيم كبيره مزوره .ده كله مش مشكله لكن
المشكله باه انه كان طارد امه و اخوه من البيت و كانوا نايمين تحت بير سلم
في بيت كده و الناس مكانتش معباراهم"يعني الشاهد من القصه دي ان الناس
كانت بتدي الراجل ده و مخدوعه فيه و ناسسين الام و ابنها لكن ربك منساهمش
ووقف واحد مع الام و ابنها و اثبت ان البيت من حق الام و ابنها و طبعا
طردوا الراجل ده من البيت.... وطبعا التسول بقت دلوقتي ليها اشكال كتيير
فمنهم اللي بيطلب الفلوس صراحه و منهم اللي يوريك روشيته في ادويه غاليه و
يطلب منك انك تجيبهله و بعد كده يروح هو يرجعها للصيدليه و ياخد الفلوس
لكن الجديد بأه انك تلاقي واحد لابس نضيف و قول لك انا الفلوس وقعت مني و
كنت عايز فلوس عشان اركب و اروح بيتي و طبعا ممكن يقول لك انه في بلد
تاني و محتاج فلوس عشان يسافر بلده و هكذا .....لكن السؤال هنا .انت لو
لقيت واحد قدامك بيشحت و انت شكيت في انه بيدعي او صادق حتيديله و تقول
انا على حسب نيتي ولا مش هتديله عشان متشجعهوش على التسول و تقول له روح
اشتغل احسن؟؟ معلش طولت عليكم كالعاده بس دي ظاهره بدأت تنتشر بكتره و
حبيت اعرف رأيكو

لا انا حديله وحسب نيتى ربنا يدينى اجر
بس باترده ممكن ادى الناس اللى محتاجه ومش شرط اللى فى الشارع بس
ممكن ناس تدلك ع المحتاج بجد
يعنى مثلا ممكن يكونوا شكلهم الظاهرى مش محتاج
وقاعدين فى بيت وكده وشكلهم ناس عاديه
بس بيبقوا محتاجين الاب مثلا مش لاقى شغل كده يعنى
بس انا بصراحه اكتر ناس بتصعب عليا اولاد الشوارع
دول اللى فعلا لازم نساعدهم بجد

لا مبديش الا اللى متاكد انه محتااااااج وبس واللى بيقول مواصلات دول محورااااااااتيه

مش عارفة والله يا سيمبا انا بديهم فلوس علشان بيصعبوا عليا خصوصا الاطفال وبقول ممكن اى حد يبقى زيهم كدا بس مش بدى كل الناس فلوس يعنى بس موضوع شديييييييييييييد والله بيييييييييييس عليك

CEO & CHAIRMAN

انا ممكن اخد منهم فلوس عشان اروح

هههههههههههههه
ماشي يا يوري اقعد معاهم بقا احسن

انا عن نفسي مش بديلهم ممكن للاطفال لان مش بايدهم حاجة لكن الكبار اللي يقدروا يمشوا ويشتغلوا مش بديلهم

ههههههههههه على فكرة يا يورى انا مرة فكيت من واحد خمسين جنية بس كان راجل كبير فعلا واعد على الرصيف مكنش فى فكة خااااالص ملقتش غيرو ورحت فكيت منو بس بردو الاطفال بيصعبوا عليا

CEO & CHAIRMAN

ياااااااااااااه
ده انتي مجردة من الاحاسيس اوي كده
ازاي تعملي كده
لا لا لا لا لا
مكنتش فاكرك كده
كنت فاكرك اكتر من كده

من يومين شوفت واحدة من اللى بيقعدو يشحتو ادام الكلية وما اقلكوش على اللى عاملاه فى وشها.
بتاكل شيبسى عائلى!!!!!!!!!!!!!!!
هههههههههههههههههههههههههههههههههههههههههههههههههههه
دانا مافطرتش غير بعد ماخدت الإعدادية.

ايوه شفتها و جت تشحت مني و في ايديها كانت ماسكه سوجاره Laughing