انت نيتك ايه؟؟

السلام عليكم يا شباب .. ندخل في الموضوع وبدون مقدمات انا عايز اسألكم سؤال انا عارف انه
تقليدي بس مظنش انك تكون فكرت فيه!! انت بتتعلم لي انت نيتك ايه؟؟ Icon_question

ه؟؟ انا عارف ان معظمكم
هيرد عليا و يقول" انا بتعلم عشان بابا و ماما قالولي لازم تتعلم و انا
بشوف الناس كلها بتتعلم آش معنى انا انت نيتك ايه؟؟ Icon_exclaim

" مش ده هو الرد التقليدي و البديهي؟؟
طيب انا هسألك نفس السؤال لكن بشكل تاني "انت حاطت نيتك ايه و انت بتتعلم"
هترد عليا و تقولي " ياعم دي النيه لييا انا بيني و بين ربنا " هقول لك
ماهو الموضوع ده برضه ليك انت ..طيب انا هقترح عليك اقتراح صغير بما انك
كده كده بتتعلم طيب ليه متحطش نيتك انك بتتعلم لإرضاء الله ثم الرسول ثم
والديك هتلاقي نفسك بدون مجهود و لا حاجه كل كلمة بتحفظها بتاخد عليه ثواب
,وخصوصا ان احنا داخلين على ايام امتحانات مفترجة يعني الحفظ على ودنه و الثواب كمان و بعدين متنساش قول الرسول "ص" "من سلك طريقا يلتمس به علما سهل الله به
طريق إلى الجنه" يعني حتى الطريق آلي بتمشيه للكيله او المدرسة بتؤجر عليه
... طيب انا هضربلك مثال :انا في كليه الهندسه و في اول سنه حسيت ان
المواد صعبه جدا و الدنيا كانت ضلمه لاني ساعتها حسيت اني اللي بتعلمه
مالهوش اي فايده لغاية ما فكرت انا ليه متعلمش عشان اكون مهندس ينفع الله
بييا الاسلام ممكن ابني جامع يصلي الناس فية فاشارك صاحب الجامع الثواب او
ابني مدرسه او اعمل اي حاجه انفع بيها اخواني و من ساعتها حسيت ان الكليه
ليها طعم تاني و دي عن تجربه ياريت انك كمان تحاول تعمل كده و صدقني هتكون
انت الكسبان و هتحس بفرق .... ايه رأيكم ترسموا لنفسكم حلم او هدف تحاولوا
توصلوله يكون المراد من الهدف ده مساعده لنهضه الاسلام و ده حسب كل واحد و
مجاله.. شاركوني بآراكم فممكن واحد يكتب كلمه تأثر في واحد تاني فيعمل
حاجه كويسه ياخدوا هم الاتنين الثواب.. انت نيتك ايه؟؟ Icon_rr

وآسف على الاطال

الله ع الموضوع بجد تحفففففففففففففه
وان دل فبيدل ع انك بنى ادم محترم ومتدين
وانت عندك حق فى كل كلمه قولتها
بس بجد ميرسييييييييييييييييييييييييييييي ع التنبيه ده
الموضوع كده حيفرق معايا كتيييييييييييييييييييييييييييييييييييييييييييييييييير

والله بجد انا كان عندى نية فى التعليم زمااااااااااان وانا صغيرة شوية لما كنت عايزة ادخل قسم حاسب آلى.
وكنت كاتبة النية دى فى ورقة ومعلقاها على الدولاب بتاعى.
ولما مادخلتش القسم ده.
حاولت انمى معلوماتى فى المجال ده برضه عشان اوصل لهدفى ده.
كنت عايزة ابقى programmer كبييييييييرة واعمل برامج ممكن تفهم الغرب ديننا أحسن من كده.
عشان مرة زمان سمعت موضوع لعمرو خالد كان بيتكلم عن نفس فكرتك.
وادينى بحاول اتعلم.
بس موضوعك بجد تحفة.

engr977 كتب:: الله ع الموضوع بجد تحفففففففففففففه
وان دل فبيدل ع انك بنى ادم محترم ومتدين
وانت عندك حق فى كل كلمه قولتها
بس بجد ميرسييييييييييييييييييييييييييييي ع التنبيه ده
الموضوع كده حيفرق معايا كتيييييييييييييييييييييييييييييييييييييييييييييييييير

انا بجد مش عارف ارد و اقول ايه على الكلام الجامد ده بجد انا مبسوط بردك و نورت الموضوع و يارب تنتفعي بالكلام ده

meshmesh كتب:: والله بجد انا كان عندى نية فى التعليم زمااااااااااان وانا صغيرة شوية لما كنت عايزة ادخل قسم حاسب آلى.
وكنت كاتبة النية دى فى ورقة ومعلقاها على الدولاب بتاعى.
ولما مادخلتش القسم ده.
حاولت انمى معلوماتى فى المجال ده برضه عشان اوصل لهدفى ده.
كنت عايزة ابقى programmer كبييييييييرة واعمل برامج ممكن تفهم الغرب ديننا أحسن من كده.
عشان مرة زمان سمعت موضوع لعمرو خالد كان بيتكلم عن نفس فكرتك.
وادينى بحاول اتعلم.
بس موضوعك بجد تحفة.

حاجه كويسه فيك انك ماستسلمتيش و قولتي ماهو ربنا مش كاتبلي ادخل اللي انا عايزاه فخلاص ..لكنك حاولتي انك تعلمي نفسك بنفسك فربنا معاك و يوفقك و توصليي للانتي عايزاه وياسلام باه لو توظفي موضوع البرمجه ده في مجالك الحالي "كيميا عما اتذكر"فكده تبقي حققتي الكتييير و قريبا ان شاء الله نسمع "صدور اول برنامج عربي بهر العالم من تصميم المنهندسة مشمش"و شكرا لردك و نورت

CEO & CHAIRMAN

و الله ربنا يباركلك
قمة الصحة
تنبيه سليييييييييم
و انا اوافق علي حرف حرف
واضح انك انسان محترم جدا زي ما قالت اسو
شكرا علي مشاركتك
و علي فكرة
القسم لااسلامي عندنا محتاج مشرف
ايه رايك لو تمسكه نظرا لاخلاقك الرائعة و ايمانك بالله و ثقتك بقدرته و لان مواضيعك هادفه بجد

زائر

انا لسة حقول ان الموضوووووع جامد جداااااااااااااااا
وانت فعلا يا سيمبا انسان محترم جداااااااااااا وانا حسيت بكدة من قبل حتى الموضوع دة
انا لما قولت اتعلم قولت عشان انفع نفسي ويبقالى مكانة في المجتمع وبعد كدة ان شاء الله انفع اولادى
بس انت عندك حق غي حاجات اهم الواحد بيتعلم عشانها واهمها طبعا ارضاء ربنا ورسولة

ع فكره يا يورى انا اللى قولت مش اسو
انا انجر هى اسو
مفيش اى تشابه فى الاسماء
ثم ان اسو مكنتش لسه ردت اصلا
نيهاهاهاهاهاهاهاهاهاهاها

CEO & CHAIRMAN

مش عارف ليه بتلخبط بينكوا

YURI كتب:: و الله ربنا يباركلك
قمة الصحة
تنبيه سليييييييييم
و انا اوافق علي حرف حرف
واضح انك انسان محترم جدا زي ما قالت اسو
شكرا علي مشاركتك
و علي فكرة
القسم لااسلامي عندنا محتاج مشرف
ايه رايك لو تمسكه نظرا لاخلاقك الرائعة و ايمانك بالله و ثقتك بقدرته و لان مواضيعك هادفه بجد

و الله يا يوري كلامك جميل جدا و وسام احطه على صدري لكن موضوع مشرف ده دي مسئوليه انا مش قدها و شكرا لردك على الموضوع

eso_2008 كتب:: انا لما قولت اتعلم قولت عشان انفع نفسي ويبقالى مكانة في المجتمع وبعد كدة ان شاء الله انفع اولادى
بس انت عندك حق غي حاجات اهم الواحد بيتعلم عشانها واهمها طبعا ارضاء ربنا ورسولة

والله انت قلت اهم حاجه نفسي ناس كتييره تحطها قدام عينيها وهي انك تتعلمي عشان تعلمي و تنفعي ولادك ..انت عارفه لو كل واحد فينا علم ولاده صح و بالذات البنات لان دورهم اكبر من الولاد في تربية الاطفال هيتقدم مجتمعنا ده بسرعه جدا و هو ده اللي عايزه كل واحد فينا..و عموما ربنا يوفققك و توصلي للي انت عايزاه

engr977 كتب:: ع فكره يا يورى انا اللى قولت مش اسو
انا انجر هى اسو
مفيش اى تشابه فى الاسماء
ثم ان اسو مكنتش لسه ردت اصلا
نيهاهاهاهاهاهاهاهاهاهاها

مش فارقه انجر من اسسو و الله كلكو كلامكم زي الفل

زائر

والله يا سيمبا انت عاقل اوىىىىىىىىىىىىىىىىىىىى
وياريت تبقي مشرف
حتبقي بجد مشرف جامد

و الله يا جماعه انا شايف موضوع الاشراف ده حاجه تقييله اوي و ربنا يعين بصراحه المشرفين و انا عن نفسي ان شاء الله مش هقصر و هنزل مواضيع في المنتدى الاسلامي بس يا رب تنتفعوا بيها ..وكان لييا رجاء اللي يعرف معلومه ممكن تفيد بيها اي حد متستخسرهاش فيه لانك ممكن بكلمة صغيره تقولها وانت مش واخد بالك منها لكن واحد يسمعها و يعمل بيها تاخد انت الثواب وانت مش واخد بالك وقال احد الصالحين"لا تحقرن من المعروف شيئا"يعني ممكن تكون ماشي و في جيبك ربع جنيه لا متستحقرهوش و تصدق بيه ممكن يكون هو ده اللي يدخلك الجنه

CEO & CHAIRMAN

الله عليك و علي كلامك اللي زي الفل
بجد و الله انا مش عارف اقول ايه
بس بجد يا ريت تراجع نفسك فس موضوع الاشراف يا ريت انت اصلح واحد للمهمة دي
يا ريت توافق
لاننا هنخسر كتير لو انت رفضت

ربنا يكرمك يا يوري بس انا برضه مش هقدر على موضوع الاشراف ده و جزاك الله خير على تشجيعك لييا

CEO & CHAIRMAN

زي ما تحب يا سمبا
بس الباب مفتوح في اي وقت
لو غيرت تفكيرك العرض لسه شغال
كلم انت مشمش بس و هي هتعينك المشرف

ان شاء الله

الموضوع حامد جدا
خلاني افكر في حاجات كتيييييييييييييييييييييييييييير قوي قوي

وربنا يوفق كل واحد للي هو عايزه
علشان يفيد دينه وبلده وشرف والديه

كلامك مظبوط جدا والله
بس المشكله ان احنه مش بنفكر ولا حتى بنسال نفسنا ليه
احنا بنتعلم
يعنى اتحدى ان واحد صحى من النوم وقال انا بتعلم ليه
لا الحوار مش كده
واحنا بنقول ايه فايده ده عشان بس نلاقى حجه نقلل بيها الحمل شويه مش اكتر يعنى
وكمان فى حاجات ملهاش فايده وفى حاجات لازم ناخدها وليه ومش بتاخدها

بجد بجد ده من احلى المواضيع على المنتدى ومش ببالغ لو قلت ان ده احلى موضوع انا شفته فى دنيتى
بص بصراحه انا تفكيرى كان ان الهدف من تعليمى فى المرحله دى هو ارضاء امى بس مع انى مش حابه المجال خالص بس مستحمله عشان خاطرها هى ورضاها ده طبعا له علاق برضا ربنا
فمابالك بقى انك تخلينى اتعلم كمان ارضاء لله ورسوله بجد ربنا يزيدك ايمان على ايمانك

mid0 كتب:: الموضوع حامد جدا
خلاني افكر في حاجات كتيييييييييييييييييييييييييييير قوي قوي

وربنا يوفق كل واحد للي هو عايزه
علشان يفيد دينه وبلده وشرف والديه

والله انا مبسوط جدا لردك و يا ميدو و بالذات الحته بتاعه يشرف والديه وربا معاك ويوفقك

ThEgAmE كتب:: كلامك مظبوط جدا والله
بس المشكله ان احنه مش بنفكر ولا حتى بنسال نفسنا ليه
احنا بنتعلم
يعنى اتحدى ان واحد صحى من النوم وقال انا بتعلم ليه
لا الحوار مش كده
واحنا بنقول ايه فايده ده عشان بس نلاقى حجه نقلل بيها الحمل شويه مش اكتر يعنى
وكمان فى حاجات ملهاش فايده وفى حاجات لازم ناخدها وليه ومش بتاخدها

موضوع المواد اللي بندرسها دي ممكن نخصصلها موضوع لوحده و بالنسبه لموضوع الحجه ده هو فعلا موجود عند ناس كتير بس في ناس فعلا مش عارفه هي بتتعلم ليه يعني اهه ماشيين مع البشر بيتعلموا عشان مش لاقيين حاجه تانيه يعملوها ....عموما شكرا على ردك و نورت المنتدى كله

RORO كتب:: بجد بجد ده من احلى المواضيع على المنتدى ومش ببالغ لو قلت ان ده احلى موضوع انا شفته فى دنيتى
بص
بصراحه انا تفكيرى كان ان الهدف من تعليمى فى المرحله دى هو ارضاء امى بس
مع انى مش حابه المجال خالص بس مستحمله عشان خاطرها هى ورضاها ده طبعا له
علاق برضا ربنا
فمابالك بقى انك تخلينى اتعلم كمان ارضاء لله ورسوله بجد ربنا يزيدك ايمان على ايمانك

اولا بحب اشكرك على كلامك الجامد ده و يارب اكون عند ظنكو لييا .. ثانيا بالنسبه انك بتتعلمي عشان والدتك ده حاجه حلوه و طبعا رضاها من رضا ربنا بس برضه ياريت لو تتعلمي لنفسك انت لان الشهاده اللي ان شاء الله هتاخديها بعد كام سنه دي هتكون لييك انت مش لوالدتك و على رأي الشاعر الفنان أحمد حلمي "حب ما تعمل حتى تعمل ما تحب"و برضه حاولي تستخدمي النت في تنمية نفسك في المجال اللي انت بتحبيه عشان في النهايه يكون معاك خبره في مجالين مش مجال واحد و في النهاية احب اقولك نورت الموضوع

هاي يا سيمبا
انا شادي زميلك في تالته مدني
هو انت اسمك اسلام
وشكرا

shady كتب:: هاي يا سيمبا
انا شادي زميلك في تالته مدني
هو انت اسمك اسلام
وشكرا

ده شرف لييا انك تكون زميلي و انا اسمي أحمد